യുവേഫ ചാമ്പ്യന്‍സ് ലീഗില്‍ പ്രീക്വാര്‍ട്ടര്‍ ഉറപ്പിച്ച് റയല്‍മാഡ്രിഡ്. ദുര്‍ബലരായ അപ്പോയലിനെ മറുപടിയില്ലാത്ത ആറുഗോളുകള്‍ക്ക് റയല്‍ തകര്‍ത്തു. ക്രിസ്റ്റ്യാനോ റൊണോര്‍ഡയും, കരിം ബെന്‍സീമയും രണ്ട് ഗളുകള്‍ വീതം നേടി.ലനാക്കോയും, മോഡ്രിക്കുമാണ് ഗോള്‍ നേടിയ മറ്റു താരങ്ങള്‍. ഗ്രൂപ്പ് എച്ചില്‍ പത്ത് പോയിന്റുമായി റയല്‍ രണ്ടാമതാണെങ്കിലും പ്രീ-ക്വാര്‍ട്ടര്‍ ഉറപ്പാക്കിയിട്ടുണ്ട്. 13 പോയിന്റോടെ ടോട്ടനവും പ്രീക്വാര്‍ട്ടറിലേക്ക് മുന്നേറി. മറ്റൊരുമത്സരത്തില്‍ ടോട്ടനം ബൊറൂസിയ ഡോര്‍ഡ്മുണ്ടിനെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ചു.
ലിവര്‍പൂള്‍-സെവില്ല പോരാട്ടം സമനിലയില്‍ കലാശിച്ചു. ഇരു ടീമുകളും മൂന്ന് ഗോളുകള്‍ വീതം നേടി. മാഞ്ചസ്റ്റര്‍ സിറ്റിയും ഫിയനൂര്‍ദ്ദും തമ്മിലുള്ള കളിയില്‍ സിറ്റി ജയിച്ചു. അവസാന മിനിട്ടില്‍ സ്റ്റെര്‍ലിംഗ് നേടിയ ഗോളാണ് സിറ്റിയെ വിജയത്തിലെത്തിച്ചത്. ഇതോടെ ഗ്രൂപ്പ് എഫില്‍ സിറ്റി ഒന്നാമതെത്തി.
