ഷെയ്‌നിന്റെ വിലക്ക് തമിഴിലേക്കും നീളുകയാണ്. തമിഴില്‍ വിക്രം നായകനാകുന്ന കോബ്ര എന്ന ചിത്രത്തില്‍ നിന്നും ഷെയ്ന്‍ നിഗത്തെ മാറ്റി എന്ന വാര്‍ത്തകളാണ് ഇപ്പോള്‍ പുറത്തു വരുന്നത്. ഷെയ്‌നിനെ അഭിനയിപ്പിക്കരുതെന്ന് ആവശ്യപ്പെട്ട് നിര്‍മ്മാതാക്കളുടെ അസോസിയേഷന്‍ ദക്ഷിണേന്ത്യന്‍ ഫിലിം ചേംബറിന് കത്തെഴുതിയതിന് പിന്നാലെയാണ് നടനെ ചിത്രത്തില്‍ നിന്ന് മാറ്റിയതെന്നാണ് റിപ്പോര്‍ട്ടുകള്‍. സീനു രാമസ്വാമി സംവിധാനം ചെയ്യുന്ന സ്പാ എന്ന ചിത്രത്തില്‍ നിന്നും ഷെയ്‌നിനെ മാറ്റിയിട്ടുണ്ട്. ജൂണ്‍, ബിഗ് ബ്രദര്‍ എന്നീ സിനിമകളിലൂടെ ശ്രദ്ധേയനായ സര്‍ജാനോ ഖാലിദാണ് ഷെയ്‌നിന് പകരം കോബ്രയില്‍ അഭിനയിക്കുക എന്നാണ് പുറത്തുവരുന്ന വിവരം. അജയ് ജ്ഞാനമുത്തുവാണ് കോബ്രയുടെ സംവിധായകന്‍.
