ചെന്നൈ:തമിഴ് സിമ്പുവിന്റെ സഹോദരന്‍ കുരലരസന് ഇസ്ലാം മതം സ്വീകരിച്ചു.പിതാവ് ടി.രാജേന്ദറിന്റെ അമ്മ ഉഷയുടെയും സാന്നിധ്യത്തിലായിരുന്നു മതം മാറ്റം.ചെന്നൈ മൗണ്ട് റോഡിലുള്ള മക്കാ മസ്ജിദില്‍ നടന്ന ചടങ്ങില്‍ മതപണ്ഡിതനില്‍ നിന്ന് ശഹാദത്ത് കലിമ ഏറ്റുചൊല്ലിയാണ് ഇദ്ദേഹം ഇസ്ലാം മതം സ്വീകരിച്ചത്.തമിഴ് മാധ്യമങ്ങളാണ് വാര്‍ത്ത പുറത്തുവിട്ടത്.
‘ഏതു മതവും സമ്മതം,ഒരേ കുലം,ഒരു ദൈവം എന്നതാണ് എന്റെ പോളിസി.സ്വന്തം മതം തെരഞ്ഞെടുക്കാനുള്ള സ്വാതന്ത്ര്യം മക്കള്‍ക്ക് നല്‍കിയിട്ടുണ്ട്.സിമ്പു ശിവഭക്തനാണ്.മകള്‍ ഇലക്കിയ ക്രിസ്തുമത വിശ്വാസിയാണ്’.മകന്‍ ഇസ്‌ളാം മതം സ്വീകരിച്ചതിനെ പിന്‍തുണച്ചുകൊണ്ട് തമിഴിലെ പ്രമുഖ സംവിധായകന്‍ കൂടിയായ ടി രാജേന്ദ്രന്‍ പറഞ്ഞു.
അലൈ, ഒരു വസന്തഗീതം, തായ് തങ്കൈ പാസം തുടങ്ങിയ ചിത്രങ്ങളില്‍ ബാലതാരമായി അഭിനയിച്ച കുരലരസന് മികച്ച ബാലതാരത്തിനുള്ള സംസ്ഥാന പുരസ്‌കാരം ലഭിച്ചിട്ടുണ്ട്.സിമ്പു നായകനായ ഇത് നമ്മ ആള് എന്ന ചിത്രത്തിന്റെ സംഗീതസംവിധാനവും കുരലരസന് നിര്‍വഹിച്ചിട്ടുണ്ട്.
