ഉസ്താദ് ഹോട്ടലിനു ശേഷം ഏഴ് വര്‍ഷങ്ങള്‍ക്കിപ്പുറം അന്‍വര്‍ റഷീദിന്റെ സംവിധാനത്തിലൊരുങ്ങുന്ന ട്രാന്‍സ് എന്ന സിനിമ വാലന്റേന്‍സ് ഡേ ആയ ഫെബ്രുവരി 14ന് റിലീസ് ചെയ്യുകയാണ്. റിലീസിനു മുന്നോടിയായി വമ്പന്‍ പ്രമോഷന്‍ പരിപാടികളാണ് അണിയറ പ്രവര്‍ത്തകര്‍ ഏര്‍പ്പെടുത്തുന്നത്. ഇപ്പോള്‍ ട്രാന്‍സില്‍ നിന്നും വീഡിയോ സോങ് പുറത്ത് വന്നിരിക്കുകയാണ്. പ്രദീപ് കുമാര്‍, മൊഹമ്മദ് മഖ്ബൂല്‍ മന്‍സൂര്‍, ജാക്‌സണ്‍ വിജയന്‍ എന്നിവര്‍ ചേര്‍ന്നാലാപിച്ച ഗാനത്തിന് ബാക്ക്ഗ്രൗണ്ട് സിങ്ങറായി വരുണ്‍ സുനിലുമുണ്ട്. ഫഹദ് ചിത്രത്തില്‍ മോട്ടിവേഷണല്‍ സ്പീക്കറിന്റെ വേഷമാണ് കൈകാര്യം ചെയ്യുന്നത്. സൗബിന്‍ ഷാഹിര്‍, വിനായകന്‍, ചെമ്പന്‍ വിനോദ്, ദിലീഷ് പോത്തന്‍, ശ്രീനാഥ് ഭാസി, അര്‍ജ്ജുന്‍ അശോകന്‍, ജിനു ജോസഫ്, അശ്വതി മേനോന്‍, ശ്രിന്ദ, ധര്‍മജന്‍ ബൊള്‍ഗാട്ടി എന്നിവരാണ് ഈ ചിത്രത്തിലെ മറ്റു അഭിനേതാക്കള്‍.
