തിരുവനന്തപുരം:മുതലപ്പൊഴിയില്‍ മല്‍സ്യബന്ധന വള്ളം മറിഞ്ഞ് രണ്ട് മല്‍സ്യത്തൊഴിലാളികള്‍ മരിച്ചു.അഞ്ചുതെങ്ങ് സ്വദേശികളായ പനിയടിമ,വര്‍ഗ്ഗീസ് എന്നിവരാണ് മരിച്ചത്.രാവിലെ മല്‍സ്യബന്ധനത്തിനായി പോകുമ്പോള്‍ മുതലപ്പൊഴിയില്‍ വച്ചാണ് അപകടമുണ്ടായത്. മൃതദേഹങ്ങള്‍ ചിറയിന്‍കീഴ് താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്.അശാസ്ത്രീയ പുലിമുട്ട് നിര്‍മ്മാണമാണ് ഇവിടെ വള്ളങ്ങള്‍ അപകടത്തിലാവാന്‍ പ്രധാന കാരണമെന്ന് നാട്ടുകാര്‍ പറയുന്നു.മുന്‍പും മുതലപ്പൊഴിയില്‍ അപകടങ്ങളുണ്ടായിട്ടുണ്ട്.പല തവണ നാട്ടുകാര്‍ പ്രതിഷേധിച്ചിരുന്നു.
