തിരുവനന്തപുരം:മാധ്യമപ്രവര്‍ത്തകര്‍ക്കുനേരെ ഹര്‍ത്താല്‍ അനുകൂലികള്‍ അക്രമം അഴിച്ചുവിട്ടതില്‍ പ്രതിഷേധം.ഹര്‍ത്താലിനോടനുബന്ധിച്ച് ബിജെപിയുടെ പ്രകടനവും ശ്രീധരന്‍പിള്ളയുടെ വാര്‍ത്താസമ്മേളനവും ബിജെപി നടത്താനിരുന്ന പൊതുയോഗവും മാധ്യമപ്രവര്‍ത്തകര്‍ ബഹിഷ്‌കരിച്ചു.ഹര്‍ത്താലിനോടനുബന്ധിച്ച് തലസ്ഥാനത്ത് നടന്ന പ്രകടനത്തിനിടെ മാധ്യമപ്രവര്‍ത്തകരെ ബിജെപി- ആര്‍എസ്എസ് ക്രിമിനലുകള്‍ ആക്രമിച്ചതില്‍ പ്രതിഷേധിച്ചാണ് ബഹിഷ്‌കരണം.
ഏഷ്യാനെറ്റ് ന്യൂസ്, മനോരമ ന്യൂസ് എന്നീ ചാനലുകളിലെ ക്യാമറമാന്‍മാര്‍ക്ക് ആക്രമണത്തില്‍ പരുക്കേറ്റു.ക്യാമറകളും അടിച്ചുതകര്‍ത്തു.ആക്രമണത്തില്‍ പ്രതിഷേധിച്ച് സെക്രട്ടറിയേറ്റിനു മുമ്പില്‍ മാധ്യമപ്രവര്‍ത്തകര്‍ പതിഷേധപ്രകടനം നടത്തി.പാലക്കാട്ടും മാധ്യമപ്രവര്‍ത്തകര്‍ക്കുനേരെ ആക്രമണമുണ്ടായിട്ടുണ്ട്.
ഇന്നലെ സംസ്ഥാനത്ത് വനിതാ മാധ്യമപ്രവര്‍ത്തകരടക്കം നിരവധിപേകര്‍ക്ക് പ്രതിഷേധക്കാരുടെ ആക്രമണം നേരിടേണ്ടിവന്നു.
