തിരുവനന്തപുരം:തിരുവനന്തപുരം നഗരത്തിലെ വ്യാപാരസ്ഥാപനത്തില്‍ വന്‍ തീപിടുത്തം.എംജിറോഡില പഴവങ്ങാടിയിലെ ചെല്ലം അംബര്‍ലാമാര്‍ട്ടിലാണ് തീപിടുത്തമുണ്ടായത്.അഞ്ചു യൂണിറ്റ് ഫയര്‍ഫോഴ്‌സ് എത്തി തീയണക്കാന്‍ ശ്രമം തുടരുകയാണ്.നഗരത്തിലെ ഗതാഗതം പൂര്‍ണ്ണമായും സ്തംഭിച്ചു.
പ്രധാനമായും കുട,ബാഗ് തുടങ്ങിയവ വില്‍ക്കുന്ന കടയിലെ സാധനങ്ങള്‍ മിക്കവാറും കത്തിയമര്‍ന്നു.ഇരുനിലക്കെട്ടിടം പൂര്‍ണ്ണമായും കത്തി.സമീപത്തുള്ള ഒന്നുരണ്ടു ചെറിയ കടകളും കത്തിനശിച്ചു.സമീപപ്രദേശത്തെ വീടുകളില്‍നിന്നും വ്യാപാരസ്ഥാപനങ്ങളില്‍ നിന്നും ആളുകളെ ഒഴിപ്പിക്കുകയാണ്.വ്യപാരസ്ഥാപനത്തിനു ചുറ്റും നിരവധി വീടുകളുള്ളതിനാല്‍ അവിടെയുള്ള ആളുകളെ സുരക്ഷിതരാക്കുകയെന്നതാണ് ഇപ്പോഴത്തെ ദൗത്യം.
