ആള്‍വാര്‍:തൊഴിലില്ലായ്മ മൂലമുള്ള മാനസിക സമ്മര്‍ദ്ദത്തെത്തുടര്‍ന്ന് മൂന്ന് യുവാക്കള്‍ തീവണ്ടിക്കു മുന്നില്‍ ചാടി ആത്മഹത്യ ചെയ്തു.രാജസ്ഥാനിലെ ആള്‍വാര്‍ ജില്ലയിലാണ് സംഭവം.മനോജ്(24) സത്യനാരായണ്‍ മീണ(22) ഋതുരാജ് മീണ(17) എന്നിവരാണ് മരിച്ചത്.ഇവരോടൊപ്പം ആത്മഹത്യയ്ക്ക് ശ്രമിച്ച അഭിഷേക് മീണ(22)യെ പരിക്കുകളോടെ ആശുപത്രിയില്‍ പ്രവേശിപ്പിച്ചു.
ആറുപേര്‍ ചേര്‍ന്നാണ് ആത്മഹത്യ ചെയ്യാന്‍ തീരുമാനിച്ചതെന്നും എന്നാല്‍ ട്രെയിന്‍ എത്തിയപ്പോള്‍ തങ്ങള്‍ രണ്ട് പേര്‍ പിന്‍മാറുകയായിരുന്നെന്നും മരിച്ച യുവാക്കളുടെ സുഹൃത്തുക്കള്‍ പൊലീസിന് മൊഴി നല്‍കി. മനോജും സത്യനാരായണനും ബിരുദധാരികളാണ്. റിതുരാജ് ബി.എ ആദ്യ വര്‍ഷ വിദ്യാര്‍ത്ഥിയും.തൊഴിലില്ലായ്മയാണ് ആത്മഹത്യക്ക് കാരണമെന്ന് പറയുമ്പോഴും സംഭവത്തില്‍ അന്വേഷണം ശക്തമാക്കുമെന്ന് പോലീസ് അറിയിച്ചു.
