കൊച്ചി:ദിലീപ് കാവ്യാ മാധവന്‍ ദമ്പതികള്‍ക്ക് പെണ്‍കുഞ്ഞ് പിറന്നു.ദിലീപ് ഫെയ്സ്ബുക്കിലൂടെയാണ് സന്തോഷ വാര്‍ത്ത അറിയിച്ചത്.ഗര്‍ഭിണിയായ കാവ്യയുടെ ബേബി ഷവര്‍ ആഘോഷത്തിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായതോടെയാണ് കാവ്യ അമ്മയാകാന്‍ പോവുന്ന വിവരം ആരാധകര്‍ അറിഞ്ഞത്.
വിജയദശമി ദിനത്തില്‍ കുടുംബത്തില്‍ മീനാക്ഷിക്ക് ഒരു കുഞ്ഞനുജത്തികൂടി എത്തിയിരിക്കുന്നുവെന്നും അമ്മയും കുഞ്ഞും സുഖമായിരിക്കുന്നുവെന്നും ദിലീപ് ഫെയ്സ്ബുക്കില്‍ കുറിച്ചു.2016-ലായിരുന്നു ദിലീപും കാവ്യ മാധവനും വിവാഹിതരായത്.
