കണ്ണൂര്‍:പയ്യന്നൂര്‍ എടാട്ട് ദേശീയപാതയില്‍ കാറും ലോറിയും കൂട്ടിയിടിച്ച് ഒരു കുടുംബത്തിലെ നാലു പേര്‍ മരിച്ചു.നാലു പേര്‍ക്ക് പരുക്കേറ്റു.തൃശൂര്‍ കൂര്‍ക്കഞ്ചേരി പുന്ന വീട്ടില്‍ ബിന്ദുലാല്‍(51), മകള്‍ ദിയ(11).സഹോദരി ബിജിതയുടെ മകന്‍ തരുണ്‍(16), മകള്‍ ഐശ്വര്യ(12 ) എന്നിവരാണ് മരിച്ചത്.ബിന്ദുലാലിന്റെ അമ്മ പത്മാവതി,ഭാര്യ അനിത,സഹോദരി ബിജിത എന്നിവരെ ഗുരുതര പരിക്കുകളോടെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
പുലര്‍ച്ചെ നാലരയോടെ കേന്ദ്രീയ വിദ്യാലയത്തിനു സമീപമായിരുന്നു അപകടം. മുകാംബികയിലേക്കു ക്ഷേത്ര ദര്‍ശനത്തിനു പോകുകയായിരുന്ന കുടുംബം സഞ്ചരിച്ച കാര്‍ മംഗലാപുരത്തുനിന്നു വന്ന ലോറിയുമായി കൂട്ടിയിടിക്കുകയായിരുന്നു.അപകടത്തില്‍ കാര്‍ പൂര്‍ണമായും തകര്‍ന്നു.മൃതദേഹങ്ങള്‍ പരിയാരം മെഡിക്കല്‍കോളേജ് ആശുപത്രി മോര്‍ച്ചറിയിലേക്ക് മാറ്റി. ലോറി ഡ്രൈവറെ പൊലീസ് കസ്റ്റഡിയിലെടുത്തു.
.
