വാഷിംഗ്ടണ്‍:പാക്കിസ്ഥാനു വീണ്ടും മുന്നറിയിപ്പുമായി അമേരിക്ക.അതിര്‍ത്തി കടന്നുള്ള തീവ്രവാദം തടയണമെന്നും പാക്കിസ്ഥാന് ഭീകരസംഘടനകളുടെ സുരക്ഷിത താവളം ആകരുതെന്നും അമേരിക്കന്‍ ആഭ്യന്തര മന്ത്രാലയം മുന്നറിയിപ്പു നല്‍കി. ഭീകരര്‍ക്ക് സാമ്പത്തിക സഹായം എത്തുന്നത് തടയണമെന്നും ഐക്യരാഷ്ട്ര സഭ സുരക്ഷാസമിതി നിര്‍ദ്ദേശങ്ങള്‍ കര്‍ശനമായി പാലിക്കണമെന്നും അമേരിക്ക പാകിസ്ഥാന് നിര്‍ദേശം നല്‍കി.
അതിര്‍ത്തി കടന്നുള്ള എല്ലാത്തരം സൈനിക നീക്കവും ഇന്ത്യയും പാകിസ്ഥാനും ഉടന്‍ അവസാനിപ്പിക്കണമെന്നും അമേരിക്ക ആവശ്യപ്പെട്ടു. ഇനിയൊരു സൈനിക നടപടി ഉണ്ടായാല്‍ സാഹചര്യങ്ങള്‍ മോശമാകുമെന്നും അമേരിക്ക മുന്നറിയിപ്പ് നല്‍കി.
