പാലക്കാട്:പാലക്കാട് നിന്നും കോടികളുടെ വില വരുന്ന മയക്കു മരുന്ന് പിടികൂടി. കാറില്‍ കടത്താന്‍ ശ്രമിച്ച 23 കിലോ ഹാഷിഷ് ഓയിലാണ് എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡ് പിടി കൂടിയത്. മയക്ക് മരുന്ന് കടത്താന്‍ ശ്രമിച്ച ഇടുക്കി പാറത്തോട് സ്വദേശി അനൂപ് ജോര്‍ജിനെ അറസ്റ്റ് ചെയ്തു.കാറിലുണ്ടായിരുന്ന മറ്റു മൂന്നുപേര്‍ ഓടി രക്ഷപ്പെട്ടു.
കാറിന്റെ ഡോര്‍ പാനലുകളില്‍ ഒളിപ്പിച്ചാണ് ഹാഷിഷ് കടത്താന്‍ ശ്രമിച്ചത്. പിടിച്ചെടുത്ത മയക്കുമരുന്നിന് അന്താരാഷ്ട്ര വിപണിയില്‍ 23 കോടി രൂപയോളം വിലമതിക്കുമെന്നാണ് എക്‌സൈസ് സ്‌ക്വാഡ് പറയുന്നത്.
