തൃശൂര്‍:പെരുമ്പാവൂര്‍ ഇടത്തിക്കാട് വിദ്യാര്‍ത്ഥിനിയെ വീട്ടില്‍ക്കയറി കഴുത്തറുത്തു കൊന്നു.വാഴക്കുളം എംഇഎസ് കോളജിലെ മൂന്നാംവര്‍ഷ ബിരുദവിദ്യാര്‍ത്ഥിനിയായ നിമിഷയാണ് കൊല്ലപ്പെട്ടത്.രാവിലെ പത്തേമുക്കാലോടെയാണ് സംഭവം.മോഷണശ്രമത്തിനിടെയാണ് കൊലപാതകമെന്നാണ് പ്രാഥമിക നിഗമനം.സംഭവത്തില്‍ അയല്‍ക്കാരനായ അന്യസംസ്ഥാനത്തൊഴിലാളിയെ അറസ്റ്റ് ചെയ്തു.ആക്രമണത്തില്‍ പെണ്‍കുട്ടിയുടെ അച്ഛന്‍ തമ്പിക്കും അയല്‍ക്കാരനും പരുക്കേറ്റു.
സുഖമില്ലാത്തതിനാല്‍ ഇന്ന് പെണ്‍കുട്ടി കോളജില്‍ പോയിരുന്നില്ല.വീട്ടില്‍ പെണ്‍കുട്ടിയും മുത്തശ്ശിയും മാത്രമാണുണ്ടായിരുന്നത്.വീട്ടില്‍ കടന്നുകയറിയ ആക്രമി പെണ്‍കുട്ടിയുടെ മുത്തശ്ശിയുടെ മാല മോഷ്ടിക്കാന്‍ ശ്രമിക്കുകയും ഇത് തടയാന്‍ ചെന്ന പെണ്‍കുട്ടിയെ ആക്രമിക്കുകയുമായിരുന്നു.കഴുത്തില്‍ കുത്തേറ്റ പെണ്‍കുട്ടിയെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
അറസ്റ്റിലായ അന്യസംസ്ഥാനത്തൊഴിലാളിയെ ചോദ്യംചെയ്തുവരികയാണ്.
