കൊച്ചി:വെള്ളപ്പൊക്കക്കെടുതി നേരിടുന്നവര്‍ക്ക് സഹായവുമായി മമ്മൂട്ടിയും ദുല്‍ഖര്‍ സല്‍മാനും.മുഖ്യമന്ത്രിയുടെ ദുരിതാശ്വാസനിധിയിലേക്ക് മമ്മൂട്ടി 15 ലക്ഷം രൂപയും ദുല്‍ഖര്‍ സല്‍മാന്‍ 10 ലക്ഷവുമാണ് നല്‍കിയത്.
എറണാകുളം ജില്ലാകളക്ടര്‍ മുഹമ്മദ് വൈ സഫീറുള്ളയെ നേരിട്ട് കണ്ടാണ് മമ്മൂട്ടി ചെക്കുകള്‍ നല്‍കിയത്.നേരത്തേ ദുരിതാശ്വാസ ക്യാമ്പുകള്‍ സന്ദര്‍ശിച്ച മമ്മൂട്ടി എല്ലാ പിന്‍തുണയും വാഗ്ദാനം ചെയ്തിരുന്നു.പ്രളയക്കെടുതിയില്‍ കോടികളുടെ നാശനഷ്ടമുണ്ടായ സംസ്ഥാനത്തിന് സഹായവുമായി നിരവധിപേരാണ് ഓരോ ദിവസവും മുന്നോട്ടുവരുന്നത്.
