പാലക്കാട്:ലോക്സഭാ തെരഞ്ഞെടുപ്പിനു മുന്നോടിയായുള്ള പ്രവര്‍ത്തനങ്ങള്‍ വിലയിരുത്താന്‍ ബിജെപി ദേശീയ അധ്യക്ഷന്‍ അമിത് ഷാ ഇന്ന് കേരളത്തിലെത്തും.ഉച്ചയ്ക്ക് മൂന്ന് മണിക്ക് പാലക്കാട്ടെത്തുന്ന അമിത് ഷാ 20 മണ്ഡലങ്ങളിലേയും തെരഞ്ഞെടുപ്പ് ചുമതലക്കാരുമായി ചര്‍ച്ച നടത്തും.
ബിജെപിയുടെ തെരഞ്ഞെടുപ്പ് പ്രചരണത്തിന് തുടക്കമിട്ട് രണ്ട് തവണ പ്രധാനമന്ത്രി നരേന്ദ്ര മോഡി ഈ വര്‍ഷം കേരളത്തില്‍ എത്തിയിരുന്നു.സ്ഥാനാര്‍ത്ഥി നിര്‍ണ്ണയത്തില്‍ സംസ്ഥാന ഘടകത്തില്‍ ഭിന്നത നിലനല്‍ക്കുന്ന സാഹചര്യത്തില്‍ അമിത്ഷായുടെ സന്ദര്‍ശനം നിര്‍ണ്ണായകമാകും.
