തിരുവനന്തപുരം:പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയതിനു പിന്നാലെ നടന്‍ മോഹന്‍ലാലിനെ മാധ്യമങ്ങള്‍ ബിജെപിക്കാരനാക്കി.വരുന്ന ലോക്സഭാ തെരഞ്ഞെടുപ്പില്‍ മോഹന്‍ലാല്‍ ബിജെപി സ്ഥാനാര്‍ത്ഥിയാകുമെന്നാണ് പരക്കെയുള്ള പ്രചാരണം.എന്നാല്‍ ഈ വാര്‍ത്തയോട് വ്യത്യസ്തമായി പ്രതികരിച്ചിരിക്കുകയാണ് പ്രതിപക്ഷ നേതാവ് രമേശ് ചെന്നിത്തല.
‘ജനങ്ങള്‍ക്ക് ഏറ്റവും ഇഷ്ടപ്പെട്ടതും സ്വീകാര്യനുമായ നടനാണ് മോഹന്‍ലാല്‍. അദ്ദേഹം അങ്ങനെയൊരു വിഡ്ഢിത്തം കാണിക്കുമെന്ന് കരുതുന്നില്ല’.തിരുവനന്തപുരം പ്രസ്‌ക്ലബില്‍ ‘പ്രളയാനന്തരം’ പരിപാടിയില്‍ സംസാരിക്കവേയാണ് ചെന്നിത്തല ഇങ്ങനെ പറഞ്ഞത്.ബിജെപിയില്‍ പോകുന്നവരെല്ലാം വിഡ്ഢികളാണോയെന്ന മാധ്യമപ്രവര്‍ത്തകരുടെ ചോദ്യത്തിന് എങ്ങനെ വേണമെങ്കിലും വ്യാഖ്യാനിച്ചോളൂ എന്നായിരുന്നു പ്രതിപക്ഷനേതാവിന്റെ മറുപടി.
കഴിഞ്ഞ ജന്‍മാഷ്ടമിദിനത്തിലാണ് മോഹന്‍ലാല്‍ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയത്.തുടര്‍ന്ന് നടന്റെ ബിജെപി പ്രവേശവുമായി ബന്ധപ്പെട്ട് നിരവധി ഊഹാപോഹങ്ങള്‍ പ്രചരിച്ചത്.
