തിരുവനന്തപുരം:കന്യാസ്ത്രീയെ പീഡിപ്പിച്ച കേസിലെ പ്രതിയായ ബിഷപ്പ് ഫ്രാങ്കോ മുളയ്ക്കലിന്റെ സംഭവബഹുലമായ ജീവിതം വെള്ളിത്തിരയിലേക്ക്.കത്തോലിക്ക സഭയുടെ വിശ്വാസ്യത തകര്‍ത്ത പീഡനക്കേസിന്റെ നാള്‍ വഴികളും കന്യാസ്ത്രീകള്‍ തെരുവിലിറങ്ങി നീതിക്കായി നടത്തിയ പോരാട്ടവും ബിഷപ്പിന്റെ അറസ്റ്റുമെല്ലാം ചേര്‍ന്ന് യഥാര്‍ത്ഥ ജീവിതം പറയുന്ന ‘ദി ഡാര്‍ക്ക് ഷേയ്ഡ് ഓഫ് ആന്‍ എയ്ഞ്ചല്‍ ആന്‍ഡ് ദി ഷെപ്പേര്‍ഡ്’ എന്ന സിനിമയുടെ ട്രെയ്‌ലര്‍ അണിയറക്കാര്‍ പുറത്തുവിട്ടു.
കവേലില്‍ ഫിലിംസിന്റെ ബാനറില്‍ ആന്റോ ഇലഞ്ഞിയാണ് ചിത്രം സംവിധാനം ചെയ്യുന്നത്.ഒന്നിലധികം ഭാഷയില്‍ ഒരുങ്ങുന്ന ഒരു ബിഗ് ബജറ്റ് ചിത്രമായിരിക്കും ഇതെന്നാണ് റിപ്പോര്‍ട്ട്.മലയാളത്തിലേയും തമിഴിലേയും പ്രധാന താരങ്ങള്‍ ഒന്നിക്കുന്ന ചിത്രത്തില്‍ തമിഴ് സംവിധായകന്‍ രാംദാസ് രാമസ്വാമിയും പ്രധാന വേഷത്തില്‍ എത്തുന്നുണ്ട്.ആദ്യഘട്ട ചിത്രീകരണം പൂര്‍ത്തിയായ ചിത്രത്തിന്റെ രണ്ടാംഘട്ടം ഘട്ടചിത്രീകരണം ദില്ലിയിലും ജലന്ധറിലുമായി നടക്കും.
