മുംബൈ:പ്രശസ്ത ബോളിവുഡ് നടന്‍ കാദര്‍ ഖാന്‍ (81) അന്തരിച്ചു. മാസങ്ങളായി കാനഡയിലെ ആശുപത്രിയില്‍ ചികില്‍സയിലായിരുന്ന അദ്ദേഹം ഇന്നലെ വൈകീട്ടോടെയാണ് മരിച്ചത്.അഫ്‌നാനിസ്ഥാനിലെ കാബൂളില്‍ ജനിച്ച കാദര്‍ഖാന്‍ 1973 ല്‍ രാജേഷ് ഖന്നയുടെ ‘ദാഗ്’ എന്ന ചിത്രത്തിലൂടെയാണ് അഭിനയരംഗത്തേക്ക് കടന്നു വരുന്നത്.300 ഓളം ചിത്രങ്ങളില്‍ കാദര്‍ ഖാന്‍ അഭിനയിച്ചിട്ടുണ്ട്.കൂടുതലും ഹാസ്യ കഥാപാത്രങ്ങളാണ് ചെയ്തത്.
ഇരുന്നൂറോളം ചിത്രങ്ങള്‍ക്ക് കാദര്‍ഖാന്‍ തിരക്കഥയൊരുക്കിയിട്ടുണ്ട്.അമിതാഭ് ബച്ചന്റെ സൂപ്പര്‍ഹിറ്റ് ചിത്രങ്ങളായ ലാവാറിസ്,കൂലി,മുഖദ്ദര്‍ കി സിക്കന്ദര്‍, മിസ്റ്റര്‍ നട്വര്‍ലാല്‍,അമര്‍ അക്ബര്‍ ആന്റണി,പര്‍വാരിഷ് തുടങ്ങിയവയ്‌ക്കെല്ലാം തിരക്കഥയൊരുക്കിയത് കാദര്‍ഖാനായിരുന്നു.ഗോവിന്ദയുടെ ആന്റി നമ്പര്‍ വണ്ണാണ് അവസാനമായി തിരക്കഥ ഒരുക്കിയ ചിത്രം.അസ്ര ഖാനാണ് ഭാര്യ.രണ്ടു മക്കളുണ്ട്.
