മുംബൈ:പ്രശസ്ത ബോളിവുഡ് സംഗീത സംവിധായകന്‍ മുഹമ്മദ് സഹൂര്‍ ഖയ്യാം( 92) അന്തരിച്ചു. ശ്വാസകോശ സംബന്ധമായ അസുഖത്തെ തുടര്‍ന്ന് ചികില്‍സയിലിരിക്കെ മുംബൈയിലെ സ്വകാര്യ ആശുപത്രിയിലായിരുന്നു അന്ത്യം.സംഗീത പ്രേമികളുടെ എക്കാലത്തേയും പ്രിയഗാനങ്ങളിലൊന്നായ ‘കഭി കഭി മേരെ ദില്‍മേ’ കൂടാതെ ഒട്ടനവധി ഹിറ്റ് ഗാനങ്ങള്‍ ഖയാം സംഗീതലോകത്തിന് നല്‍കി.
2011-ല്‍ പത്മഭൂഷണ്‍ പുരസ്‌കാരം നല്‍കി രാജ്യം ഖയ്യാമിനെ ആദരിച്ചു. മികച്ച സംഗീത സംവിധായകനുള്ള ദേശീയ ചലച്ചിത്ര പുരസ്‌കാരവും ഫിലിം ഫെയര്‍ അവാര്‍ഡുമുള്‍പ്പെടെ നിരവധി പുരസ്‌കാരങ്ങളും ഖയ്യാമിനു ലഭിച്ചിട്ടുണ്ട്.
