തിരുവനന്തപുരം : ദിലീപുമായി വേർ പിരിഞ്ഞ മഞ്ജു കടുത്ത പ്രതിസന്ധിയിലായിരുന്നു എന്നും താനാണ് അവരെ ആ അവസരത്തിൽ സഹായിച്ചതെന്നും, മഞ്ജു ഉപകാരസ്മരണ ഇല്ലാത്തവളാണെന്നും സൂചിപ്പിക്കുന്ന മറുപടിയായി ശ്രീകുമാർ മേനോൻ.ആ സമയത്തു 1500 രൂപ മാത്രം ബാങ്ക് അക്കൗണ്ടിൽ ഉണ്ടായിരുന്ന മഞ്ജുവിന് ആര്യ വൈദ്യശാലയുടെ പരസ്യത്തിന് ലഭിച്ച അഡ്വാൻസ് തുകയായ ഇരുപത്തഞ്ചു ലക്ഷത്തിന്റെ ചെക്ക് താൻ മഞ്ജുവിന്റെ കയ്യിൽ വച്ച് കൊടുത്തതും ശ്രീകുമാർ മേനോൻ മഞ്ജുവിനോടുള്ള മറുപടിയായി ഫേസ്ബുക്കിൽ കുറിച്ചു.
ശ്രീകുമാർ മേനോനെതിരെ നടി മഞ്ജു വാരിയർ ഡി ജി പിക്ക് പരാതി നൽകിയിരുന്നു .പരാതിയിൽ ശ്രീകുമാർ മേനോൻ തന്നെ അപായപ്പെടുത്താൻ ശ്രമിക്കുന്നതായി മഞ്ജു പറയുന്നു .കൂടാതെ താൻ ഒപ്പിട്ടു നൽകിയിട്ടുള്ള ലെറ്റർ ഹെഡ്ഡുകളും മറ്റു രേഖകളും ശ്രീകുമാർ മേനോൻ ദുരുപയോഗം ചെയ്യുന്നതായും പരാതിയിലുണ്ട് .ഒടിയൻ സിനിമയ്ക്ക് ശേഷം തനിക്കെതിരെ ഉണ്ടായ സൈബർ ആക്രമണത്തിന് പിന്നിലും ശ്രീകുമാർ മേനോനാണ് എന്നും പരാതിയിൽ പറയുന്നു .
മഞ്ജുവിന്റെ പരാതിയിൽ പ്രാഥമിക അന്വേഷണത്തിലാണ് പോലീസ് .അന്വേഷണത്തോട് സഹകരിക്കും എന്ന് ശ്രീകുമാർ മേനോൻ പ്രതികരിച്ചിട്ടുണ്ട് .
