കോഴിക്കോട്:മലപ്പുറം ചേളാരിക്കു സമീപം മൂച്ചിക്കലില്‍ പോത്ത് ഫാമിനു മുകളിലേക്ക് മണ്ണും പാറക്കല്ലുകളും ഇടിഞ്ഞു വീണ് 20 പോത്തുകള്‍ ചത്തു.ഫാം മൊത്തമായി മണ്ണിനടിയില്‍പ്പെടുകയായിരുന്നു.ഇന്ന് രാവിലെ ഏഴരക്കായിരുന്നു സംഭവം.പെരുവള്ളൂര്‍ മൂച്ചിക്കല്‍ സ്വദേശികളായ ഷാഫി,മുസ്തഫ എന്നിവരുടെ പോത്തുകളാണ് ചത്തത്.
12 പോത്തുകളെ പുറത്തെടുത്തു.രണ്ട് ജെസിബികള്‍ ഉപയോഗിച്ച് ഇടിഞ്ഞുവീണ മണ്ണും പാറക്കല്ലുകളും നീക്കി ബാക്കിയുള്ള പോത്തുകളെയും പുറത്തെടുക്കുന്നതിനുള്ള ശ്രമം നടന്നുവരികയാണ്.
കുന്നിന്റെ ഒരു ഭാഗം കനത്ത മഴയില്‍ ഇടിഞ്ഞു വീഴുകയായിരുന്നു.ഏറെക്കാലം മുമ്പ് മണ്ണെടുത്തിരുന്ന ഭാഗത്തു നിന്നാണ് കുന്നിടിഞ്ഞു വീണത്.
