കൊച്ചി:മുനമ്പത്ത് നിന്ന് ഓസ്‌ട്രേലിയയിലേക്ക് പോയത് 80 പേരെന്ന് പോലീസ്.സംഘത്തില്‍ നവജാതശിശുവടക്കം 22 കുട്ടികളാണുള്ളതെന്നും പോലീസ് തയ്യാറാക്കിയ പട്ടികയില്‍ പറയുന്നു.ഓസ്ട്രേലിയയിലെ ക്രിസ്മസ് ദ്വീപ് ലക്ഷ്യമാക്കിയാണ് ഇവര്‍ പോയതെന്നും നേരത്തെ പോയവര്‍ ഓസ്ട്രേലിയയില്‍ ജോബ് പെര്‍മിറ്റ് നേടിയിട്ടുണ്ടെന്നും കസ്റ്റഡിയിലുള്ളവര്‍ മൊഴി നല്‍കിയിട്ടുണ്ട്.ശ്രീലങ്കന്‍ അഭയാര്‍ത്ഥി കുടുംബങ്ങളും തമിഴ് നാട് സ്വദേശികളുമാണ് സംഘത്തിലുള്ളത്.
പോലീസ് കസ്റ്റഡിയിലുള്ള പ്രഭു,ദീപക് എന്നിവരെ ചോദ്യം ചെയ്തതില്‍നിന്നുമാണ് കൂടുതല്‍ വിവരങ്ങള്‍ ലഭിച്ചത്.പ്രഭുവിന്റേയും ദീപകിന്റേയും ഭാര്യയും മകളും ബോട്ടില്‍ പോയിട്ടുണ്ട്.മനുഷ്യക്കടത്തിന്റെ വിവരം പുറത്തറിഞ്ഞതോടെ യാത്ര മുടങ്ങിയെന്നാണ് ദീപക് പോലീസിന് നല്‍കിയ മൊഴി.ശ്രീകാന്തനും സെല്‍വനുമടക്കമുള്ള പത്ത് ഇടനിലക്കാരെയും പൊലീസ് തിരിച്ചറിഞ്ഞിട്ടുണ്ട്.
