ന്യൂഡൽഹി: രാഹുല്‍ ഗാന്ധി അടുത്ത മാസത്തോടെ കോണ്‍ഗ്രസ് അധ്യക്ഷ സ്ഥാനത്തേക്ക് എത്തും.ഡിസംബര്‍ നാലിനാണ് കോണ്‍ഗ്രസ് അധ്യക്ഷ സ്ഥാനത്തേക്കുളള നാമനിര്‍ദേശപത്രിക സമര്‍പ്പിക്കേണ്ട അവസാന തീയതി. മറ്റ് പത്രികകളില്ലെങ്കില്‍ അന്നുതന്നെ പ്രഖ്യാപനം ഉണ്ടായേക്കും. ഒന്നാം തീയതി തിരഞ്ഞടുപ്പ് വിഞ്ജാപനം ഇറങ്ങും. മറ്റ് നാമനിര്‍ദേശികപത്രിക ഉണ്ടെങ്കില്‍ ഡിസംബര്‍ 16ന് വോട്ടെടുപ്പ് നടത്തും. തിരഞ്ഞെടുപ്പിന്‍റെ ഒൌദ്യോഗിക ഫലപ്രഖ്യാപനം 19ന് അറിയാം.
ഡൽഹിയിൽ കോൺഗ്രസ് അധ്യക്ഷ സോണിയ ഗാന്ധിയുടെ വസതിയിൽ ചേർന്ന കോണ്‍ഗ്രസ് പ്രവർത്തക സമിതി യോഗത്തിലാണ് തീരുമാനം. രാഹുലിനെ അധ്യക്ഷനാക്കുന്നതിനുള്ള പ്രമേയം യോഗം പാസാക്കി.
മുതിർന്ന കോൺഗ്രസ് നേതാവ് എ.കെ.ആന്‍റണി ഉപാധ്യക്ഷനായേക്കുമെന്നാണ് സൂചന. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല.
