മോഹൻലാൽ നായകനായി അഭിനയിച്ച പൃഥ്വിരാജ് സുകുമാരന്റെ ലൂസിഫർ എന്ന ചിത്രത്തിന്റെ റീമേക്ക് അവകാശം സൗത്ത് മെഗാസ്റ്റാർ ചിരഞ്ജീവി ഔദ്യോഗികമായി വാങ്ങി. ലൂസിഫർ എന്ന ചിത്രം കേരളത്തിൽ ഒരു വലിയ ബ്ലോക്ക്ബസ്റ്റർ ഹിറ്റായിരുന്നു. ഈ ചിത്രം ബോക്സോഫീസിൽ മികച്ച പ്രകടനം കാഴ്ചവച്ചു. മോഹൻലാൽ ലോകത്തിലെ ഏറ്റവും വലിയ ഒരു മാഫിയാസംഘനേതാവിന്റെ വേഷത്തിലെത്തുന്നത് ലൂസിഫറിൽ കണ്ടു. മോഹൻലാലിന്റെ കഥാപാത്രം തുടക്കത്തിൽ തന്റെ യഥാർത്ഥ ഐഡന്റിറ്റി സ്റ്റീഫൻ എന്ന പേരിൽ മറയ്ക്കുന്നു, എന്നാൽ താമസിയാതെ ചിത്രത്തിൽ കഥാപാത്രത്തിന്റെ യഥാർത്ഥ ഐഡന്റിറ്റി വെളിച്ചത്തുവരും.ചിത്രത്തിന്റെ തെലുങ്ക് റീമേക്ക് അവകാശമാണ് മെഗാസ്റ്റാർ നേടിയത്.
ഇപ്പോൾ സെയ് രാ നരസിംഹ റെഡ്ഡി എന്ന ചിരഞ്ജീവി ചിത്രം ഒക്ടോബർ രണ്ടിന് റിലീസാണ് . സെയ് രാ നരസിംഹ റെഡ്ഡി എന്ന ചിരഞ്ജീവി ചിത്രം ദീർഘകാല ഇടവേളയ്ക്ക് ശേഷം മെഗാസ്റ്റാർ അഭിനയിച്ചതാണ്. മകനും നടനുമായ രാം ചരൺ നിർമ്മിച്ച ചിത്രം സുരേന്ദർ റെഡ്ഡിയാണ് സംവിധാനം ചെയ്യുന്നത്. ഗംഭീരമായാണ് ചിത്രം നിർമ്മിച്ചിരിക്കുന്നത്. ഏറ്റവും പുതിയ റിപ്പോർട്ടുകൾ പ്രകാരം 270 കോടി രൂപയുടെ ബഡ്ജറ്റിലാണ് സെയ് രാ നരസിംഹ റെഡ്ഡി എന്ന ചിത്രം നിർമ്മിച്ചിരിക്കുന്നത്. മെഗാസ്റ്റാർ ചിരഞ്ജീവി അഭിനയിച്ച ചിത്രം ഒരു വിഷ്വൽ ട്രീറ്റാണെന്ന് അണിയറപ്രവർത്തകർ ഉറപ്പുവരുത്തുന്നുണ്ട്. സെയ് രാ നരസിംഹ റെഡ്ഡി എന്ന ചിത്രത്തിൽ ലോകമെമ്പാടുമുള്ള നിരവധി വിഎഫ്എക്സ് വിദഗ്ധർ പ്രവർത്തിച്ചിട്ടുണ്ട്.നാൽപ്പത്തിയഞ്ചു കോടിയോളം രൂപ വിഷ്വൽ ഗ്രാഫിക്സിനായി ചിലവഴിച്ചിട്ടുണ്ട്. ചിത്രത്തിൽ അമിതാഭ് ബച്ചൻ ശക്തമായൊരു വേഷത്തിൽ അഭിനയിക്കുന്നു. നയൻതാരയാണ് ചിത്രത്തിൽ ചിരഞ്ജീവിയുടെ നായിക.
