തിരുവനന്തപുരം:സ്‌കൂള്‍ ബസ് തലകീഴായി കനാലിലേക്ക് മറിഞ്ഞ് വിദ്യാര്‍ത്ഥികള്‍ക്കും ഡ്രൈവര്‍ക്കും പരിക്കേറ്റു.വിഴിഞ്ഞം ചൊവ്വര കാവുനട റോഡില്‍ രാവിലെ 8 മണിയോടെയായിരുന്ന അപകടം.പട്ടം താണുപിള്ള സ്‌കൂളിലെ വിദ്യാര്‍ത്ഥികളുമായി പോയ ബസാണ് മറിഞ്ഞത്.പത്തോളം കുട്ടികള്‍ ബസിലുണ്ടെന്നാണ് സമീപവാസികള്‍ പറഞ്ഞത്.എല്ലാവരെയും അടുത്തുള്ള ആശുപത്രിയില്‍ പ്രവേശിപ്പിച്ചു.ആരുടേയും പരുക്ക് ഗുരുതരമല്ല.
ഒരു വാഹനത്തിനു മാത്രം സഞ്ചരിക്കാവുന്ന ഇടുങ്ങിയ റോഡില്‍ വച്ച് മഴകാരണം ബസ് റോഡില്‍ നിന്നും തെന്നിമാറിയതാണ് അപകടത്തിനു കാരണമെന്ന് നാട്ടുകാര്‍ പറയുന്നു.അപകടം നടന്നയുടന്‍ നാട്ടുകാര്‍ ഓടിയെത്തി രക്ഷാപ്രവര്‍ത്തനം നടത്തുകയും പരിക്കേറ്റ കുട്ടികളെയും ഡ്രൈവറേയും സമീപത്തെ ആശുപത്രിയില്‍ പ്രവേശിപ്പിപ്പിക്കുകയും ചെയ്തു.
