തിരുവനന്തപുരം:ശബരിമലയില്‍ ഇന്നും ഇന്നലെയുമായി നടന്ന നാടകം അപമാനകരമെന്ന് പ്രതിപക്ഷനേതാവ് രമേശ് ചെന്നിത്തല.ശബരിമലയില്‍ സര്‍ക്കാര്‍ ഡബിള്‍ റോള്‍ കളിക്കുന്നതാണ് പ്രശ്‌നമെന്നും ചെന്നിത്തല തിരുവനന്തപുരത്ത് മാധ്യമപ്രവര്‍ത്തകരോട് പറഞ്ഞു.പുനഃപരിശോധനാ ഹര്‍ജി സുപ്രീംകോടതി പരിഗണനയിലിരിക്കെ ഇങ്ങനെ ഒക്കെ ചെയ്യണ്ട കാര്യമുണ്ടോയെന്നും ചെന്നിത്തല ചോദിച്ചു.
ശബരിമലയില്‍ ഭക്തരുടെ വികാരമാണ് കണ്ടത്.സര്‍ക്കാര്‍ പ്രതിസന്ധി ഉണ്ടാക്കുകയാണ്.ശബരിമല തീര്‍ഥാടനത്തെ അട്ടിമറിക്കാനാണ് സര്‍ക്കാര്‍ ശ്രമിക്കുന്നതെന്നും രമേശ് ചെന്നിത്തല ആരോപിച്ചു.
