തിരുവനന്തപുരം : കേരളാ യൂണിവേഴ്സിറ്റിയിലെ മോഡറേഷൻ വിവാദത്തിൽ കെ എസ് യു നടത്തിയ നിയമസഭാ മാർച്ചിൽ കെ എസ് യു പ്രസിഡന്റ് അഭിജിത്തടക്കമുള്ള നിരവധി പ്രവർത്തകർക്ക് പരുക്കേറ്റിരുന്നു . ഷാഫി പറമ്പിൽ എം എൽ എക്കു പോലീസ് ആക്രമണത്തിൽ പരുക്കേറ്റത് പ്രക്ഷുബ്ധമായ രംഗങ്ങളാണ് നിയമസഭയിൽ ഇന്ന് ഉണ്ടാക്കിയിരിക്കുന്നത് .പോലീസ് അതിക്രമങ്ങൾക്കെതിരെ പ്ലക്കാർഡും മുദ്രാവാക്യങ്ങളുമുയർത്തി പ്രതിപക്ഷം സഭയിലെ ചോദ്യോത്തരവേളയിൽ പ്രതിഷേധമുയർത്തി. എം എൽ എ മാരായ ശബരിനാഥും വിൻസെന്റും “
പോലീസ് നരനായാട്ടാവസാനിപ്പിക്കുക” എന്ന ബാനർ ഉയർത്തിപ്പിടിച്ചു.അൻവർ സാദത് ഷാഫിയുടെ ചോരപുരണ്ട വസ്ത്രങ്ങൾ ഉയർത്തിപ്പിടിക്കുന്നുണ്ടായിരുന്നു .വി ടി ബൽറാം വിഷയത്തിൽ അടിയന്തിര പ്രമേയത്തിന് നോട്ടീസ് നൽകി . ചോദ്യോത്തരവേള നിർത്തിവച്ചു അടിയന്തിര പ്രമേയം ചർച്ച ചെയ്യണമെന്നാണ് പ്രതിപക്ഷ നേതാവ് രമേശ് ചെന്നിത്തല സ്പീക്കറോടാവശ്യപ്പെട്ടു .
