കണ്ണൂര്‍:മട്ടന്നൂരിലെ യൂത്ത്‌കോണ്‍ഗ്രസ് നേതാവ് ഷുഹൈബിനെ വെട്ടിക്കൊലപ്പെടുത്തിയ കേസില്‍ രണ്ട് പേര്‍ കൂടി പോലീസ് പിടിയിലായി.അവിനാശ്,നിജിന്‍ എന്നിവരെ മട്ടന്നൂര്‍ സിഐയുടെ നേതൃത്വത്തിലുള്ള സംഘമാണ് പിടികൂടിയത്.
സിപിഎം പ്രവര്‍ത്തകനായ ആകാശ് തില്ലങ്കേരി,രജില്‍ രാജ്,ജിതിന്‍,ദീപ്ചന്ദ് ,അഖില്‍ അന്‍വര്‍ സാദത്ത്, സഞ്ജയ്,രജത്ത്,സംഗീത്,കെ.ബൈജു,അസ്‌കര്‍,എന്നിവരെ പ്രതികളാക്കി പോലീസ് കുറ്റപത്രം സമര്‍പ്പിച്ചിരുന്നു.
കഴിഞ്ഞ ഫെബ്രുവരി 12 നാണ് ഒരു സംഘം ആളുകള്‍ ചേര്‍ന്ന് ഷുഹൈബിനെ വെട്ടിക്കൊലപ്പെടുത്തിയത്.കൊലപാതകികളെ അറസ്റ്റ് ചെയ്യണമെന്നാവശ്യപ്പെട്ട് കോണ്‍ഗ്രസ് നേതാവ് കെ.സുധാകരന്‍ കണ്ണൂരില്‍ നിരാഹാരമനുഷ്ഠിച്ചിരുന്നു.കൊലപാതകത്തിന്റെ ഗൂഢാലോചനയില്‍ സിപിഎം നേതൃത്വത്തിനു പങ്കുണ്ടെന്ന് കോണ്‍ഗ്രസ് ആരോപിച്ചിരുന്നു.പ്രതി ആകാശ് തില്ലങ്കേരി സിപിഎം നേതാവ് ജയരാജനൊപ്പം നില്‍ക്കുന്ന ചിത്രങ്ങളും പ്രചരിച്ചിരുന്നു.
