തിരുവനന്തപുരം: സംസ്ഥാനത്ത് ഒമ്പതു ജില്ലകളില്‍ നാളെ അവധി. തൃശൂര്‍, കോഴിക്കോട്, മലപ്പുറം, ആലപ്പുഴ, എറണാകുളം, വയനാട്, കണ്ണൂര്‍, കോട്ടയം, പത്തനംതിട്ട എന്നീ ജില്ലകളിലാണ് അവധി.മഴ മാറിയെങ്കിലും പലയിടങ്ങളിലും വെള്ളക്കെട്ടു മാറാത്തതും സ്‌കൂളുകള്‍ മിക്കതും ദുരിതാശ്വാസ ക്യാമ്പുകളായതും കാരണമാണ് അവധി പ്രഖ്യാപിച്ചത്.കൂടാതെ വീണ്ടും ന്യൂനമര്‍ദം രൂപപ്പെട്ടതോടെ ഒറ്റപ്പെട്ട ശക്തമായ മഴയ്ക്കു സാധ്യതയുണ്ടെന്ന് മുന്നറിയിപ്പുമുണ്ട്.
പ്രൊഫഷണല്‍ കോളജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കാണ് കളക്ടര്‍ അവധി പ്രഖ്യാപിച്ചിരിക്കുന്നത്. നാളെ നടത്താനിരുന്ന സര്‍വ്വകലാശാല പരീക്ഷകളും മാറ്റിവെച്ചതായും അധികൃതര്‍ അറിയിച്ചത്.
