പന്തളം:സിപിഐ എം പന്തളം ലോക്കല്‍ കമ്മറ്റിയംഗത്തെ വെട്ടിപ്പരുക്കേല്‍പ്പിച്ചു.സംഭവത്തില്‍ പ്രതിഷേധിച്ച് നാളെ പന്തളം നഗരത്തില്‍ സിപിഎം ഹര്‍ത്താല്‍ പ്രഖ്യാപിച്ചു.പന്തളം പുന്തല താഴേതില്‍ ജയപ്രസാദ് (35) നാണ് വെട്ടേറ്റത്.ജയപ്രസാദിനെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
രാത്രി എട്ടുമണിയോടെയാണ് സംഭവം നടന്നത്.പന്തളത്ത് വൈകിട്ട് ഡിവൈഎഫ്ഐ നേതൃത്വത്തില്‍ നടന്ന പ്രതിഷേധ പ്രകടനത്തിന് ശേഷം പന്തളം ഏരിയ കമ്മറ്റി ഓഫീസിന് മുമ്പില്‍ നില്‍ക്കുകയായിരുന്ന ജയപ്രസാദിനെ ഓട്ടോയില്‍ എത്തിയ സംഘം തലയ്ക്ക് പിന്നില്‍ വടിവാളിന് വെട്ടുകയായിരുന്നു.
ആക്രമണത്തിനു പിന്നില്‍ എസ്ഡിപിഐ ആണെന്ന് സിപിഎം ആരോപിച്ചു. സംഭവത്തില്‍ പ്രതിഷേധിച്ച് പന്തളത്ത് രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍.
