കുറ്റ്യാടി: സ്വാതന്ത്ര്യ ദിനാഘോഷത്തിന്റെ ഭാഗമായി സംസ്കാര സാഹിതി കുറ്റ്യാടി, നാദാപുരം നിയോജക മണ്ഡലം കമ്മറ്റികളുടെ സംയുക്താഭിമുഖ്യത്തിൽ സ്കൂൾ വിദ്യാർത്ഥികൾക്കായി “സ്വാതന്ത്ര്യം തന്നെ ജീവിതം” ചിത്രരചനാ മത്സരം (ജല ഛായം ) സംഘടിപ്പിക്കുന്നു .വടകര, കൊയിലാണ്ടി താലൂക്കുകളിലെ എൽ.പി, യു.പി, ഹൈസ്കൂൾ, ഹയർ സെക്കണ്ടറി സ്കൂൾ കുട്ടികൾക്കായി ഓഗസ്റ്റ് 10 ന് ശനിയാഴ്‌ച രാവിലെ 10 മണിക്ക് കുറ്റ്യാടി ഐഡിയൽ പബ്ലിക് സ്കൂളിൽ വച്ചാണ് മത്സരം.എൽ.പി.വിഭാഗത്തിന് “ദേശീയ പതാകയും “മറ്റു വിഭാഗങ്ങൾക്ക് “സ്വാതന്ത്ര്യ സമര ചരിത്രത്തിലെ ഉജ്ജ്വല മൂഹൂർത്തവുമാണ് “വിഷയം .എൽ .പി .വിഭാഗം കുട്ടികൾ ക്രയോൺസും മറ്റു വിഭാഗങ്ങളിലെ കുട്ടികൾ പെയിന്റിംഗിനാവശ്യമായ സാമഗ്രികളും കൊണ്ടു വരേണ്ടതാണ്. വരയ്ക്കാവശ്യമായ പേപ്പർ സംഘാടകർ നൽകുന്നതായിരിക്കും. മത്സരത്തിൽ ഓരൊ വിദ്യാലയത്തിൽ നിന്നും ഓരോ വിഭാഗത്തിലേക്കും ഒരു കുട്ടി വീതം സ്ഥാപന മേലധികാരിയുടെ സാക്ഷ്യപത്രം സഹിതം പങ്കെടുക്കേണ്ടതാണ്കൂടുതൽ വിവരങ്ങൾക്ക്: 8086 158734, 9048026450
