വാര്‍ത്തകളും വിവാദങ്ങളുമായി ശബരിമല അയ്യപ്പന്‍ നിറഞ്ഞു നില്‍ക്കുമ്പോള്‍ അയ്യപ്പന്റെ ഐതീഹ്യം സിനിമയാകുന്നു. മലയാളം കണ്ട ഏറ്റവും മുതല്‍മുടക്കുള്ള സിനിമയായ ‘അയ്യപ്പന്‍’ തന്റെ കരിയറിലെ ഏറ്റവും മികച്ച ചിത്രമായിരിക്കുമെന്ന് നായകനായ പൃഥ്വിരാജ് പറയുന്നു.ശങ്കര്‍ രാമകൃഷ്ണന്റെ സംവിധാനത്തില്‍ ഒരുങ്ങുന്ന ചിത്രത്തിന്റെ ഫസ്റ്റ് പോസ്റ്റര്‍ പൃഥ്വിരാജ് തന്നെയാണ് ഫേസ്ബുക്കിലൂടെ പുറത്തുവിട്ടിരിക്കുന്നത്.
‘സ്വാമി അയ്യപ്പന്റെ ചരിത്രം സിനിമയാകുന്നു.വര്‍ഷങ്ങളായി ശങ്കര്‍ എന്നോട് ഈ കഥ പറഞ്ഞിട്ട്.അത് ആരംഭിക്കുന്ന ദിനമായിരുന്നു എന്നും സ്വപ്നങ്ങളില്‍.ഒടുവില്‍ അത് സംഭവിക്കുന്നു..അയ്യപ്പന്‍. സ്വാമിയേ.. ശരണം അയ്യപ്പ!’ ..എന്ന കുറിപ്പോടെയാണ് പൃഥ്വിരാജ് ചിത്രത്തിന്റെ പോസ്റ്റര്‍ പങ്കുവച്ചത്.
ഓഗസ്റ്റ് സിനിമാസിന്റെ ബാനറില്‍ ഷാജി നടേശന്‍ നിര്‍മ്മിച്ച്‌
ഇന്ത്യയിലെ എല്ലാഭാഷകളിലും പുറത്തിറങ്ങുന്ന ചിത്രത്തില്‍ അന്യഭാഷയില്‍ നിന്നുള്ള അഭിനേതാക്കളും സാങ്കേതിക പ്രവര്‍ത്തകരും ഭാഗമാകും.
