ആലപ്പുഴ:സംസ്ഥാനസ്‌കൂള്‍ കലോല്‍സവം സമാപിക്കാന്‍ ഇനി മണിക്കൂറുകള്‍ മാത്രം. ഏറ്റവും പുതിയ ഫലങ്ങളനുസരിച്ച് പാലക്കാട് 852 പോയിന്റും കോഴിക്കോട് 851 പോയിന്റും നേടി ഇഞ്ചോടിഞ്ച് പോരാട്ടത്തിലാണ്.കണ്ണൂര്‍ തൃശൂര്‍ ജില്ലകള്‍ക്ക് 826 പോയന്റുണ്ട്.മലപ്പുറം 816 പോയന്റുമായി തൊട്ടുപിന്നിലും.അടുത്ത സലോല്‍വസത്തിന്റെ ആതിഥേയരാവുന്നത് കാസര്‍കോട് ജില്ലയാണെന്നാണ് സൂചനകള്‍.
ആഡംബരങ്ങളില്ലാതെ നടത്തിയ കലോല്‍സവത്തില്‍ പക്ഷേ പ്രതിഷേധങ്ങള്‍ നിറഞ്ഞുനിന്നു. പരാതിയെത്തുടര്‍ന്ന് കലാത്സവത്തില്‍ ദീപ നിശാന്ത് നടത്തിയ ഉപന്യാസ മത്സരത്തിന്റെ വിധി നിര്‍ണയം റദ്ദാക്കി.തുടര്‍ന്ന് പ്രശസ്ത എഴുത്തുകാരന്‍ സന്തോഷ് ഏച്ചിക്കാനത്തിനെക്കൊണ്ട് പുനര്‍മൂല്യ നിര്‍ണയം നടത്തി. 13 അംഗ ഹയര്‍ അപ്പീല്‍ സമിതിയാണ് കെ എസ് യു നല്‍കിയ പരാതിയില്‍ തീരുമാനം എടുത്തത്.ജൂറിയുമായി ബന്ധപ്പെട്ട പ്രതിഷേധത്തെത്തുടര്‍ന്ന് ഇന്നലെ മാറ്റിവച്ച കൂടിയാട്ട മത്സരം ഇന്ന് നടത്തി.
ഒരുപാട് പാടി വൈകി പല മല്‍സരങ്ങളും തുടങ്ങിയതിനാല്‍ രാത്രി വൈകിയായിരിക്കും മല്‍സരങ്ങള്‍ പൂര്‍ത്തിയാവുക.
