എറണാകുളം:സ്‌കൂളിലെ ശാസ്ത്രമേളയില്‍ പ്രദര്‍ശിപ്പിച്ച അഗ്നിപര്വ്വതം പൊട്ടിത്തെറിച്ച് 60 കുട്ടികള്‍ക്കു പരിക്കേറ്റു.എറണാകുളം അങ്കമാലി ഹോളി ഫാമിലി സ്‌കൂളിലെ ശാസ്ത്രമേളക്കിടെയാണ് അപകടം.വിദ്യാര്‍ത്ഥികള്‍ നിര്‍മ്മിച്ച അഗ്നിപര്വ്വതം പൊട്ടിത്തെറിക്കുന്നതെങ്ങനെയെന്ന് പ്രദര്‍ശിപ്പിക്കുന്നതിനിടെയാണ് അപകടമുണ്ടായത്.
ഗുണ്ട് അടക്കമുള്ള സ്‌ഫോടകവസ്തുക്കളും മറ്റ് രാസവസ്തുക്കളും ഉപയോഗിച്ചതാണ് അഗ്നിപര്വ്വതം പൊട്ടിത്തെറിക്കാന്‍ കാരണമായത്.പരിക്കേറ്റ കുട്ടികളെ അങ്കമാലി ലിറ്റില്‍ ഫ്‌ളവര്‍ ആശുപത്രിയില്‍ പ്രവേശിപ്പിച്ചു.
