തിരുവനന്തപുരം:ശബരിമലയില്‍ യുവതികള്‍ ദര്‍ശനം നടത്തിയതില്‍ പ്രതിഷേധിച്ച് ബിജെപിയും ശബരിമല കര്‍മ്മ സമിതിയും ചേര്‍ന്ന് നടത്തിയ ഹര്‍ത്താലിനിടെ അക്രമികളെ വിരട്ടിയോടിച്ച കളിയിക്കാവിള എസ് ഐ എംവി മോഹന അയ്യര്‍ക്ക് കെഎസ്ആര്‍ടിസി പ്രശസ്തി പത്രവും സമ്മാനവും നല്‍കും.ഹര്‍ത്താലിനിടെ കളിയിക്കാവിള അതിര്‍ത്തിയില്‍ സംഘപരിവാറുകാര്‍ കെഎസ്ആര്‍ടിസി ബസുകള്‍ക്ക് നേരെ പാഞ്ഞടുത്തപ്പോഴാണ് എസ്‌ഐ മോഹനഅയ്യര്‍ ഇവരെ നേരിട്ടത്. ‘ആമ്പിളയാനാ വണ്ടിയെ തൊട്‌റാ’ എന്ന എസ് ഐയുടെ വിരട്ടല്‍ കേട്ട് സംഘപരിവാറുകാര്‍ വാലുംചുരുട്ടി മടങ്ങുകയായിരുന്നു.
എസ്‌ഐ ഹര്‍ത്താലുകാരോട് പ്രതികരിച്ചതിന്റെ വീഡിയോ സമൂഹമാധ്യമങ്ങളില്‍ പ്രചരിച്ചതിനെത്തുടര്‍ന്നാണ് കെഎസ്ആര്‍ടിസി എംഡി ടോമിന്‍ തച്ചങ്കരി രംഗത്തെത്തിയത്.തച്ചങ്കരി മോഹന അയ്യരെ നേരിട്ട് വിളിച്ച് അഭിനന്ദിക്കുകയും പ്രശസ്തി പത്രവും 10,00 രൂപയും സമ്മാനമായി പ്രഖ്യാപിക്കുകയും ചെയ്തു.ദൃശ്യങ്ങള്‍ വൈറലായതോടെ മോഹന അയ്യര്‍ക്ക് അഭിനന്ദന പ്രവാഹമാണ്.
