വാഷിങ്ടണ്‍: 2016 ലെ തിരഞ്ഞെടുപ്പില്‍ ട്രംപിനോട് മത്സരിച്ച് തോറ്റ ഡെമോക്രാറ്റിക് സ്ഥാനാര്‍ഥിയായ ഹിലരി ക്ലിറ്റനെ 2020 ലെ പ്രസിഡന്റ് തിരഞ്ഞെടുപ്പില്‍ തനിക്കെതിരെ മത്സരിക്കാന്‍ വെല്ലുവിളിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്.
വൈറ്റ് ഹൗസില്‍ നടത്തിയ വാര്‍ത്താ സമ്മേളനത്തിനിടെയായിരുന്നു ട്രംപിന്റെ വെല്ലുവിളി. ഹിലരി ദയവായി മത്സരിക്കാന്‍ മുന്നോട്ടു വരൂവെന്നും ഹിലരി മത്സരിക്കുമെന്ന് പ്രതീക്ഷിക്കുന്നതായും ട്രംപ് അഭിമുഖത്തില്‍ പറഞ്ഞു.
ഹിലരി ഒരു ദുര്‍ബലയായ സ്ഥാനാര്‍ഥിയായിരുന്നെന്നും അവര്‍ മികച്ച സ്ഥാനാര്‍ഥി ആയിരുന്നില്ലെന്നും ട്രംപ് മാധ്യമപ്രവര്‍ത്തകരോടായി പറഞ്ഞു.
