ഹൗ ഓള്‍ഡ് ആര്‍ യു എന്ന ചിത്രത്തിനുശേഷം മഞ്ചുവാര്യരെ പ്രധാന കഥാപാത്രമാക്കി റോഷന്‍ ആന്‍ഡ്രൂസ് സംവിധാനം ചെയ്യുന്ന പ്രതി പൂവന്‍ കോഴി എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ഇറങ്ങി. ഇതില്‍ സംവിധായകനായ റോഷന്‍ ആന്‍ഡ്രൂസും ഒരു കേന്ദ്രകഥാപാത്രത്തെ അവതരിപ്പിക്കുമെന്നാണ് റിപ്പോര്‍ട്ടുകള്‍. ശ്രീഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മ്മിക്കുന്ന ഈ ചിത്രത്തിന്റെ തിരക്കഥ-സംഭാഷണം ഉണ്ണി ആര്‍ എഴുതുന്നു. അനുശ്രീ, സൈജുകുറുപ്പ്, അലന്‍സിയര്‍, എസ്.പി.ശ്രീകുമാര്‍, ഗ്രേസ് ആന്റണി തുടങ്ങിയവരും അഭിനയിക്കുന്നു. ജി.ബാലമുരുകന്‍ ഛായാഗ്രഹണം നിര്‍വ്വഹിക്കുന്ന ഈ ചിത്രത്തിന്റെ സംഗീതമൊരുക്കുന്നത് ഗോപി സുന്ദറാണ്. ഡിസംബറില്‍ ചിത്രം തീയറ്ററുകളിലെത്തും.
മഞ്ജുവാര്യര്‍ ആദ്യമായി അഭിനയിച്ച തമിഴ് ചിത്രമായ അസുരന്‍ മികച്ചാഭിപ്രായം നേടി മുന്നേറുകയാണ്. ചിത്രം നൂറുകോടി ക്ലബ്ബിലും ഇടംനേടി കഴിഞ്ഞു. അതിനാല്‍ മഞ്ജുവിനെ ഇഷ്ടപ്പെടുന്ന പ്രേക്ഷകര്‍ വളരെ പ്രതീക്ഷയോടെയാണ് ഈ ചിത്രത്തെയും നോക്കി കാണുന്നത്.
