ചിയാരത്ത്:തിരുവല്ലയില്‍ പ്രണയാഭ്യര്‍ത്ഥന നിരസിച്ചതിന് യുവതിയെ തീകൊളുത്തിക്കൊന്ന സംഭവത്തിന്റെ ഞെട്ടല്‍ മാറുംമുന്‍പേ സമാനമായ ക്രൂരതയുടെ വാര്‍ത്ത തൃശൂരില്‍നിന്നു വരുന്നു. തൃശൂര്‍ ചിയാരത്ത് യുവാവ് പെണ്‍കുട്ടിയെ പെട്രോളൊഴിച്ച് തീകൊളുത്തി കൊലപ്പെടുത്തി.ഇന്ന് രാവിലെയായിരുന്നു സംഭവം. പ്രണയാഭ്യര്‍ത്ഥന നിരസിച്ചതിനാണ് 22 കാരിയായ നീതുവിനെ വീട്ടിലെത്തി യുവാവ് കത്തിച്ചു കൊന്നത്.സംഭവത്തില്‍ വടക്കേക്കാട് സ്വദേശിയായ ജിതേഷിനെ പോലീസ് കസ്റ്റഡിയിലെടുത്തു.
ജിതേഷ് വളരെ നാളുകളായി പെണ്‍കുട്ടിയുടെ പിന്നാലെ നടന്ന് ശല്യം ചെയ്യുകയായിരുന്നു.ഇന്ന് രാവിലെ പെണ്‍കുട്ടിയുടെ വീട്ടിലേക്ക് കയറി വന്ന ജിതേഷ്കത്തികൊണ്ട് പെണ്‍കുട്ടിയെ കുത്തിയശേഷം കയ്യില്‍ കരുതിയ പെട്രോള്‍ ഒഴിച്ച് തീ കൊളുത്തുകയായിരുന്നു. പെണ്‍കുട്ടിയുടെ നിലവിളി കേട്ട് വീട്ടുകാരെത്തി തീ അണയ്ക്കാന്‍ ശ്രമിച്ചെങ്കിലും പെണ്‍കുട്ടി മരിച്ചു.സ്ഥലത്ത് നിന്ന് രക്ഷപ്പെടാന്‍ ശ്രമിച്ച ജിതേഷിനെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു.
