കാസര്‍കോട്:മഞ്ചേശ്വരം എം.എല്‍.എ പി.ബി.അബ്ദുള്‍ റസാഖ് 65 അന്തരിച്ചു.ഹൃദയസംബന്ധമായ അസുഖത്തെ തുടര്‍ന്ന് കാസര്‍കോട് സ്വകാര്യ ആശുപത്രിയില്‍ ചികിത്സയിലിരിക്കെ പുലര്‍ച്ചെ 5.45-ഓടെയാണ് അന്ത്യം സംഭവിച്ചത്.മുസ്‌ളിം ലീഗ് ദേശീയ സെക്രട്ടേറിയറ്റ് അംഗമാണ്.സംസ്‌കാരം വൈകീട്ട് 6 ന് ആലമ്പാടി ജുമാ മസ്ജിദ് ഖബര്‍ജിസ്ഥാനില്‍.
2011 -മുതല്‍ മഞ്ച്വേശ്വരത്ത് നിന്ന് നിയമസഭാംഗമാണ്.2016-ല്‍ നടന്ന തിരഞ്ഞെടുപ്പില്‍ ബി.ജെ.പി സംസ്ഥാന ജനറല്‍ സെക്രട്ടറി കെ.സുരേന്ദ്രനെതിരെ 89 വോട്ടിന്റെ ഭൂരിപക്ഷത്തിലായിരുന്നു തിരഞ്ഞെടുക്കപ്പെട്ടത്.തുടര്‍ന്ന് തിരഞ്ഞെടുപ്പ് ചോദ്യം ചെയ്ത് കെ.സുരേന്ദ്രന്‍ നല്‍കിയ പരാതിയില്‍ കേസ് നടന്നുവരികയായിരുന്നു.
1955 ഒക്ടോബര്‍ ഒന്നിന് കാസര്‍ഗോഡ് ചെങ്കളയില്‍ ബീരാന്‍ മൊയ്തീന്‍ ഹാജിയുടെയും ബീഫാത്തിമയുടെയും മകനായാണ് ചെര്‍ക്കളം അബ്ദുള്ള ജനിച്ചത്.ചെങ്കള ഗ്രാമ പഞ്ചായത്ത് പ്രസിഡന്റായും കാസര്‍ഗോഡ് ജില്ലാ പഞ്ചായത്ത് അംഗമായും പ്രവര്‍ത്തിച്ചു.മുസ്ലീം യൂത്ത് ലീഗ് ജനറല്‍ സെക്രട്ടറിയായിരുന്നു.
