കഴക്കൂട്ടം:കാര്യവട്ടം ഗ്രീന്‍ഫീല്‍ഡ് സ്‌റ്റേഡിയത്തില്‍ ക്രിക്കറ്റ് മല്‍സരം കാണാനെത്തിയവര്‍ക്ക് നേരെ തേനീച്ച ആക്രമണം.തേനീച്ചയുടെ കുത്തേറ്റ് 5 പേര്‍ക്ക് പരിക്കേറ്റു.2 പേരെ തിരുവനന്തപുരം മെഡിക്കല്‍ കോളേജ് ആശുപത്രിയിലും 3 പേരെ സ്വകാര്യ ആശുപത്രിയിലും പ്രവേശിപ്പിച്ചു.ഇന്ത്യ എ- ഇംഗ്ലണ്ട് ലയണ്‍സ് നാലാം ഏകദിന മത്സരത്തിനിടെയായിരുന്നു സംഭവം.
ഗ്യാലറിയുടെ ഒഴിഞ്ഞ ഭാഗത്തുണ്ടായിരുന്ന തേനീച്ചക്കൂട്ടിലേക്ക് ആരോ കല്ലെറിഞ്ഞതോടെയാണ് തേനീച്ചകള്‍ ഇളകിയത്. തുടര്‍ന്ന് കളികാണാന്‍ ഗ്യാലറിയിലിരുന്നവരെ തേനീച്ചക്കൂട്ടം ആക്രമിക്കുകയായിരുന്നു. ഇതോടെ അപ്പര്‍ ഗ്യാലറിയിലുണ്ടായിരുന്നവര്‍ ചിതറിയോടുകയായിരുന്നു. തുടര്‍ന്ന് കുറച്ചുനേരം കളി നിര്‍ത്തിവെയ്ക്കുകയും ചെയ്തു.
