കാശ്മീര്‍:പുല്‍വാമയില്‍ പട്ടാളക്കാരുടെ ജീവനെടുത്ത ഭീകരാക്രമണത്തിന് തിരിച്ചടി നല്‍കി ഇന്ത്യ.അധീന കാശ്മീരിലെ
പുല്‍വാമ ആക്രമണത്തിന് തിരിച്ചടി നല്‍കി ഇന്ത്യ.ജെയ്ഷേ മുഹമ്മദിന്റെ ക്യാംപുകള്‍ക്ക് നേരെ പുലര്‍ച്ചെ 3.30 നാണ് വ്യോമസേന ആക്രമണം നടത്തിയത്.ബാല്‍കോട്ടിലെ ജെയ്ഷേ ക്യാംപുകള്‍ തകര്‍ത്തതായി സൂചന.മിറാഷ് 2000 വിമാനങ്ങള്‍ ഉപയോഗിച്ചായിരുന്നു ആക്രമണം.12 വിമാനങ്ങളാണ് ആക്രമണത്തിനായി ഉപയോഗിച്ചത്.1000 കിലോ ബോംബുകള്‍ ഇവിടങ്ങളില്‍ വര്‍ഷിച്ചുവെന്നാണ് പ്രതിരോധമന്ത്രാലയത്തിലെ വൃത്തങ്ങള്‍ സൂചിപ്പിച്ചിരിക്കുന്നത്.നൂറുകണക്കിനാളുകള്‍ കൊല്ലപ്പെട്ടെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്.
അതേസമയം ഇന്ത്യന്‍ പോര്‍ വിമാനങ്ങള്‍ അതിര്‍ത്തി കടന്നുവെന്ന് പാക് സേന സമ്മതിച്ചു. അതിര്‍ത്തി കടന്നുള്ള ആക്രമണമാണ് ഇന്ത്യയുടെ ലക്ഷ്യമെന്നും പാകിസ്താന്‍ ആരോപിക്കുന്നു.നിയന്ത്രണ രേഖയില്‍ വെടിവെപ്പ് തുടരുകയാണ്.
