ന്യൂഡല്‍ഹി:അതിര്‍ത്തിയില പാക് ആക്രമണം ചെറുക്കുന്നതിനിടെ ഒരു മിഗ് വിമാനം നഷ്ടമായെന്നും ഒരു പൈലറ്റിനെ കാണാതായെന്നും സ്ഥിരീകരിച്ച് ഇന്ത്യ.എന്നാല്‍ മാധ്യമങ്ങളെ കണ്ട വിദേശകാര്യവക്താവ് രവീഷ് കുമാര്‍ എവിടെ വച്ചാണ് പൈലറ്റിനെ കാണാതായതെന്നോ പൈലറ്റിന്റെ പേരോ വിശദീകരിക്കാന്‍ തയ്യാറായില്ല.ഇന്ന് രാവിലെ അതിര്‍ത്തിയിലെ സൈനിക കേന്ദ്രങ്ങള്‍ അക്രമിക്കാന്‍ പാക്കിസ്ഥാന്‍ എത്തിയെന്നും ഇന്ത്യ ചെറുത്തുവെന്നും വിദേശകാര്യ വക്താവ് വ്യക്തമാക്കി. അതിനിടെയാണ് ഇന്ത്യയുടെ ഒരു മിഗ് വിമാനം നഷ്ടമായതും പൈലറ്റിനെ കാണാതായതും.നേരത്തേ രണ്ട് വൈമാനികര്‍ തങ്ങളുടെ കൈവശം ഉണ്ടെന്ന് പാക്കിസ്ഥാന്‍ വെളിപ്പെടുത്തിയിരുന്നു.
കൂടുതല്‍ വിവരങ്ങള്‍ കിട്ടാനുണ്ടെന്നും അതിന് വേണ്ടി കാത്തിരിക്കുകയാണെന്നും വിദേശകാര്യ വക്താവ് പറഞ്ഞു.വ്യോമസേനയുടെ പ്രതിനിധി എയര്‍ വൈസ് മാര്‍ഷല്‍ ആര്‍ജികെ കപൂറും വാര്‍ത്താ സമ്മേളനത്തില്‍ പങ്കെടുത്തു.
