ന്യൂഡല്‍ഹി:ലോക്‌സഭാ തെരഞ്ഞെടുപ്പിലേക്ക് കോണ്‍ഗ്രസിന്റെ
ആദ്യഘട്ട സ്ഥാനാര്‍ത്ഥി പട്ടിക പുറത്തിറക്കി.സോണിയാ ഗാന്ധി റായ്ബറേലിയിലും രാഹുല്‍ അമേഠിയിലും മത്സരിക്കും.പ്രിയങ്ക ഗാന്ധിയുടെ പേര് പട്ടികയില്‍ ഇല്ല. 15സ്ഥാനാര്‍ത്ഥികളാണ് ആദ്യഘട്ടം പട്ടികയിലുള്ളത്.ഗുജറാത്തില്‍ നാലും യുപിയില്‍ പതിനൊന്നും സ്ഥാനാര്‍ത്ഥികളുടെ പട്ടികയാണ് പാര്‍ട്ടി അംഗീകരിച്ചത്.
സല്‍മാന്‍ ഖുര്‍ഷിദ് ഫറൂഖബാദില്‍ മത്സരിക്കും.ജിതിന്‍ പ്രസാദ ദൗരാഹ്രയിലും ആര്‍.പി.എന്‍.സിങ് കുശിനഗറിലും മല്‍സരിക്കും. അമേഠിയിലും റായ്ബറേലിയിലും സ്ഥാനാര്‍ഥികളെ നിര്‍ത്തേണ്ടെന്ന് മായാവതിയും അഖിലേഷ് യാദവും തീരുമാനിച്ചിട്ടുണ്ട്. സഖ്യത്തിന് തയ്യാറായാല്‍ കോണ്‍ഗ്രസിന് നേട്ടമാകും.എസ്പി ഏഴ് സീറ്റുകളും ബിഎസ്പി ആറ് സീറ്റുകളും വിട്ട് നല്‍കും.
