കൊച്ചി:എറണാകുളം പാലച്ചുവടില്‍ റോഡരികില്‍ യുവാവിന്റെ മൃതദേഹം കണ്ടെത്തി.മരിച്ചത് ചക്കരപ്പറമ്പ് സ്വദേശി ജിബിന്‍ വര്‍ഗീസ് ആണെന്ന് തിരിച്ചറിഞ്ഞിട്ടുണ്ട്. ഇലക്ട്രിക്കല്‍ ജോലികള്‍ ചെയ്തിരുന്ന ജിബിന്റെ മൃതദേഹം പുലര്‍ച്ചെയോടെ സമീപ വാസികളാണ് റോഡരികില്‍ കണ്ടത്. ജിബിന്റെ സ്‌കൂട്ടറും സമീപത്തുണ്ടായിരുന്നെങ്കിലും വാഹനാപകടത്തിന്റെ ലക്ഷണങ്ങളൊന്നുമില്ലായിരുന്നതിനാല്‍ ഇത് ഒരു കൊലപാതകമാണെന്ന്പോലീസ് സംശയിക്കുന്നുണ്ട്. തൃക്കാക്കര പൊലീസ് കേസെടുത്തു.
ഇന്നലെ രാത്രി ഒരു മണിയോട് കൂടി സ്‌കൂട്ടറെടുത്ത് ജിബിന്‍ പുറത്തേക്ക് പോയിരുന്നെന്നാണ് വിവരം.പിന്നീട് പുലര്‍ച്ചെയോടെ മൃതദേഹം കണ്ടെത്തുകയായിരുന്നു.
