കൊച്ചി:വീട് കയറി ആക്രമിച്ചതിന് ചലച്ചിത്ര സംവിധായകന്‍ റോഷന്‍ ആന്‍ഡ്രൂസിനെതിരെ കേസ്. നിര്‍മ്മാതാവ് ആല്‍വിന്‍ ആന്റണിയുടെ പരാതിയുടെ അടിസ്ഥാനത്തിലാണ് കേസെടുത്തത്.കൊച്ചി പനമ്പിളി നഗറിലെ വീട്ടില്‍ കയറി തന്നെ അക്രമിച്ചെന്നാണ് ആല്‍വിന്‍ ആന്റണിയുടെ പരാതി. റോഷന്‍ ആന്‍ഡ്രൂസിന്റെ സുഹൃത്ത് നവാസിനെതിരെയും പൊലീസ് കേസെടുത്തിട്ടുണ്ട്.
ഇതിനുപിന്നാലെ തന്നെയും സുഹൃത്ത് നവാസിനേയും ആക്രമിച്ചു പരിക്കേല്‍പ്പിച്ചു എന്ന് റോഷന്‍ നല്‍കിയ പരാതിയില്‍ ആല്‍വിന്‍ ആന്റണി, സുഹൃത്ത് ബിനോയ് എന്നിവര്‍ക്കെതിരേയും പോലീസ് കേസെടുത്തു.
ആല്‍വിന്‍ ആന്റണിയുടെ മകന്‍ റോഷന്‍ ആന്‍ഡ്രൂസിന്റെ കൂടെ സഹസംവിധായകനായി പ്രവര്‍ത്തിക്കുകയാണ്.
