ശത്രുഘ്നൻ സിൻഹയെ വെട്ടി നിരത്തി ബി ജെ പി
ബി ജെ പി കേന്ദ്ര നേതൃത്വത്തിന്റെ കണ്ണിലെ കരടായ മുൻസിനിമാതാരം ശത്രുഘ്നൻ സിൻഹയ്ക്ക് ഇത്തവണ ബി ജെ പി ടിക്കറ്റില്ല.നിരന്തരം നരേന്ദ്ര മോദിയെ വിമർശിച്ചിരുന്ന ശത്രുഘ്നൻ സിൻഹ ബീഹാറിലെ പാറ്റ്ന സാഹിബ് ലോക് സഭാ മണ്ഡലത്തെയാണ് പ്രതിനിധീകരിച്ചിരുന്നത് .ബി ജെ പിക്ക് ശക്തമായ അടിത്തറയുള്ള മണ്ഡലമാണ് പാറ്റ്ന സഹിബ് മണ്ഡലം .കേന്ദ്ര മന്ത്രി രവിശങ്കർ പ്രസാദിനാണ് ബി ജെ പി അവിടെ ടിക്കറ്റ് കൊടുത്തിരിക്കുന്നത് .ശത്രുഘ്നൻ സിൻഹയ്‌ക്കെതിരെ അച്ചടക്കനടപടിയൊന്നും ബി ജെ പി ഇതുവരെ എടുത്തിട്ടില്ല .എന്നാൽ ശത്രുഘ്നൻ സിൻഹയെ അതെ സീറ്റിൽ കോൺഗ്രസ് ടിക്കറ്റിൽ മത്സരിപ്പിക്കാൻ കോൺഗ്രസ് തീരുമാനിച്ചുകഴിഞ്ഞു .ശത്രുഘ്നൻ സിൻഹയ്ക്കും അത് തന്നെയാണ് താല്പര്യം .2014 ൽ ബീഹാറിൽ ആകെയുള്ള നാൽപ്പതു സീറ്റിൽ ഇരുപത്തിരണ്ടെണ്ണത്തിലും ജയിക്കാൻ ബി ജെ പിക്കായി.എന്നാൽ ഇക്കുറി ലാലുവിന്റെ ആർ ജെ ഡി-കോൺഗ്രസ് സഖ്യം ബീഹാറിൽ നേട്ടമുണ്ടാക്കും എന്നാണു പുറത്തു വരുന്ന റിപ്പോർട്ടുകൾ നൽകുന്ന സൂചന .
