ആസിഡ് ആക്രമണത്തെ അതിജീവിക്കുന്ന പെണ്‍കുട്ടിയായി പാര്‍വതി വേഷമിടുന്ന ‘ഉയരെ’യുടെ ഒഫീഷ്യല്‍ പോസ്റ്റര്‍ പുറത്ത്.നവാഗതനായ മനു അശോകന്‍ സംവിധാനം ചെയ്യുന്ന ചിത്രത്തില്‍ യുവനടന്‍മാരായ ടോവിനോയും ആസിഫ് അലിയും നായകകഥാപാത്രങ്ങളെ അവതരിപ്പിക്കുന്നു.പല്ലവി എന്ന പൈലറ്റാണ് പാര്‍വ്വതി.ഉയരെയുടെ ഒഫീഷ്യല്‍ ഫേസ്ബുക്ക് പേജിലാണ് പോസ്റ്റര്‍ പുറത്തിറങ്ങിയിരിക്കുന്നത്.
ബോബി-സഞ്ജയ് തിരക്കഥ ഒരുക്കിയിരിക്കുന്ന സിനിമ എസ് ക്യൂബിന്റെ ബാനറില്‍ ഷെബുന, ഷെഗ്‌ന, ഷെര്‍ഗ എന്നിവര്‍ ചേര്‍ാണ് നിര്‍മ്മിക്കുന്നത്.പ്രതാപ് പോത്തന്‍, സിദ്ദിഖ്, പ്രേം പ്രകാശ്, ഭഗത് മാനുവല്‍,ഇര്‍ഷാദ്,അനില്‍ മുരളി,അനാര്‍ക്കലി മരക്കാര്‍ എന്നിവരാണ് ഉയരെയിലെ മറ്റ് താരങ്ങള്‍.ഗോപി സുന്ദറാണ് സംഗീത സംവിധാനം.മുകേഷ് മുരളീധരന്‍ ഛായാഗ്രഹണം നിര്‍വ്വഹിച്ച ചിത്രത്തിന് മഹേഷ് നാരായണനാണ് എഡിറ്റിങ്ങ് നിര്‍വഹിച്ചിരിക്കുന്നത്.പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്ന ചിത്രം താമസിയാതെ തീയറ്ററുകളിലെത്തും.
