വയനാട്:കടബാധ്യതമൂലം തിരുനെല്ലിയില്‍ കര്‍ഷകന്‍ ആത്മഹത്യ ചെയ്തു.ത്രിശ്ശിലേരി ആനപ്പാറ സ്വദേശി ടി വി കൃഷ്ണകുമാര്‍ (55) ആണ് ആത്മഹത്യ ചെയ്തത്. രാവിലെ എട്ടു മണിയോടെ കൃഷ്ണകുമാറിനെ വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
കൃഷ്ണകുമാറിന് വിവിധ ബാങ്കുകളില്‍ എട്ടു ലക്ഷത്തോളം രൂപ കടമുണ്ടായിരുന്നു. എന്നാല്‍ ഇദ്ദേഹത്തിനെതിരെ ഏതെങ്കിലും ബാങ്കുകള്‍ നടപടിയെടുത്തിട്ടില്ലെന്നാണറിയുന്നത്.നാട്ടിലും കടങ്ങളുണ്ടായിരുന്നതായും പണം തിരികെച്ചോദിച്ച് ആരെങ്കിലും കൃഷ്ണകുമാറിനെ സമ്മര്‍ദ്ദത്തിലാക്കിയിട്ടുണ്ടോ എന്നും മറ്റുമുള്ള വിവരങ്ങള്‍ പോലീസ് അന്വേഷിച്ചു വരികയാണ്.
രത്നമാണ് ഭാര്യ.സത്യന്‍, സുരേന്ദ്രന്‍, പത്മാവതി, മഞ്ജു എന്നിവര്‍ മക്കളാണ്.
