ദില്ലി:ലോക്‌സഭാ തെരഞ്ഞെടുപ്പിന്റെ ആദ്യഘട്ട പോളിങ്ങ് ആരംഭിച്ചു.91 ലോക്‌സഭാ മണ്ഡലങ്ങളിലാണ് ഇന്ന് വോട്ടെടുപ്പ് നടക്കുന്നത്. ആന്ധ്രാപ്രദേശ്, സിക്കിം, ഒഡിഷ, അരുണാചല്‍പ്രദേശ് നിയമസഭകളിലേക്കുള്ള വോട്ടെടുപ്പും ഇന്ന് നടക്കും.18 സംസ്ഥാനങ്ങളിലെയും രണ്ട് കേന്ദ്രഭരണ പ്രദേശങ്ങളിലെയും വോട്ടര്‍മാരാണ് ഇന്ന് പോളിങ് ബൂത്തിലെത്തുന്നത്.
ആന്ധ്രയിലെ 25 ലോക്‌സഭാ മണ്ഡലങ്ങളിലേക്കും 175 നിയമസഭാ മണ്ഡലങ്ങളിലേക്കുമാണ് തെരഞ്ഞെടുപ്പ് നടക്കുന്നത്. തെലങ്കാനയിലെ 17 മണ്ഡലങ്ങളിലേക്കുള്ള തെരഞ്ഞെടുപ്പ് ആദ്യഘട്ടത്തില്‍ പൂര്‍ത്തിയാകും.
ഉത്തര്‍പ്രദേശിലെ എട്ട് മണ്ഡലങ്ങളിലും മഹാരാഷ്ട്രയിലെ ഏഴ് മണ്ഡലങ്ങളിലും ബീഹാറിലെ നാല് മണ്ഡലങ്ങളിലും തെരഞ്ഞെടുപ്പ് നടക്കുന്നുണ്ട്. അരുണാചല്‍പ്രദേശിലെ രണ്ടും,ഛത്തിസ്ഗഡിലെ ഒന്നും, ഒഡീഷയിലെ നാലും, പശ്ചിമബംഗാളിലെ രണ്ടും, ജമ്മു-കാശ്മീരിലെ രണ്ടും, മേഘാലയിലെ രണ്ടും മണ്ഡലങ്ങളിലാണ് ആദ്യഘട്ടത്തില്‍ വോട്ടെടുപ്പ് നടക്കുന്നത്.
