കൊട്ടാരക്കര:ഗര്‍ഭിണിയെ ബലാല്‍സംഗം ചെയ്യാന്‍ ശ്രമിച്ച അന്യസംസ്ഥാന കച്ചവടക്കാരന്‍ അറസ്റ്റിലായി.കൊട്ടാരക്കര വെട്ടിക്കവലയില്‍ ഇന്ന് ഉച്ചയ്ക്ക് 12 നാണ് സംഭവം.വീടുകള്‍ തോറും കമ്പിളിപ്പുതപ്പ് വിറ്റു നടക്കുന്ന് ഉത്തര്‍ പ്രദേശ് സ്വദേശി പീര്‍ മുഹമ്മദാണ് അറസ്റ്റിലായത്.ഗര്‍ഭിണിയായ യുവതിയെ ആശുപത്രിയില്‍ പ്രവേശിപ്പിച്ചു.
ഗര്‍ഭിണിയായ യുവതിയുടെ വീട്ടില്‍ കമ്പിളിപ്പുതപ്പ് വില്‍ക്കാനെത്തിയ പീര്‍ മുഹമ്മദ് വീട്ടില്‍ മറ്റാരുമില്ലെന്നു മനസ്സിലാക്കി വീട്ടിനുള്ളിലേക്കു പ്രവേശിച്ച് യുവതിയെ കടന്നു പിടിക്കുകയായിരുന്നു. തുടര്‍ന്ന് ഇവര്‍ ബഹളം വച്ചതിനെത്തുടര്‍ന്ന് ആളുകള്‍ ഓടിക്കൂടിയപ്പോഴേക്കും യുവാവ് ഓടി രക്ഷപ്പെട്ടു. തുടര്‍ന്ന് നാട്ടുകാര്‍ വിവരമറിയിച്ചതിനെത്തുടര്‍ന്ന് പോലീസ് നടത്തിയ അന്വേഷണത്തിലാണ് ഇയാളെ പിടികൂടിയത്. പീര്‍ മുഹമ്മദ് ക്രിമിനല്‍ പശ്ചാത്തലമുള്ളയാളാണെന്നു പോലീസ് പറയുന്നു.
ബലപ്രയോഗത്തിനിടെ തറയില്‍ വീണതിനെത്തുടര്‍ന്നാണ് യുവതിയെ ആശുപത്രിയില്‍ പ്രവേശിപ്പിച്ചത്.
